Lesamento ta hopi importante den un desaroyo di un mucha , hoben y hasta adulto. Directora di Biblioteca Nacional Aruba Astrid Britten ta indica cu si tin un parti cu ta importante den bida di un hende ta e Lifelong learning. Nos mester ta consciente cu nos tur como humano ta studia pa bida largo y e parti di digitalisacion ta wak e parti aki innovativo rond di esaki.
Segun directora di Biblioteca nacional Astrid Britten un bibliotheek ta disponibel 24/7 pa tur hende. Porehempel tur informacion por haya riba coleccion Aruba ta duna e servicio na e comunidad. Tambe semper Biblioteca Nacional lo keda promove lesamento.
Un persona sea cu e ta lesa den un forma fisico of digital semper ta importante pa keda promove e habito di lesamento. Tambe e islanan BES cu ta Boneiro , St Eustatius y Saba cu ta munisipio nan di Hulanda, pero tambe e islanan CAS cu ta Corsou , Aruba y St Maarten cu conhuntamente ta traha cu Hulanda.
Un di e cooperacionnan cu Aruba tin cu Hulanda ta cu na momento cu un persona mester bira miembro di Bibliotheek di edad di 0 pa 18 aña ta pornanda pa ta miembro y pa adulto e ta simbolico 5 florin. Sinembargo bira miembro di Biblioteca nacional Aruba ta significa cu tambe ta ricibi e acceso pa e biblioteca digital di Hulanda. Esaki sigur ta hopi beneficioso pa Aruba unda cu ta haya acceso na tur e bukinan di Hulanda den forma di e-books y audiobooks na Hulanda riba www.onlinebibliotheek.nl.
Sinembargo pa e muchanan tambe tin un programa special , esaki ta e bookstart cu ta specialmente pa muchanan di 0 pa 2 aña, na momento cu bira miembro na Aruba ta haya bukinan di lesa cu ta na e edad di e mucha pa cuminsa motiva e lesamento pa cu e muchanan. Muchanan di 0 pa 2 aña ta importante pa e mayor por lesa cu nan y e buki di nan edad hopi biaha tin hopi ilustracion cu por yuda nan compronde.
Tambe tin “ bibliotheek op school “e prome scol cu a haci e apertura di nan biblioteca na nan scol ta Beatrix School y nan a yama nan bibliotheek Bea’s Bieb y e ta un bunita ehempel con por yuda aporta na lesamento pa e muchanan.
Tin varios trabou cu mester haci ainda, esaki ta encera cu kier yega na un sistema uniforme cu tur e bibliiotheek nan cu ta bay ta parti di e sistema di “Bibliotheek op School “ pa crea un sistema automatisa tambe. Segun director di Biblioteca Nacional bukinan digital tin su beneficionan tambe y ta duna espacio pa wak kico mas por enfoca riba dje.
Biblioteca Nacional Aruba ta hopi contento cu e colaboracion den Reino Hulandes y ta keda pone enfasis riba dje paso e tin su frutonan.