Resientemente nos di MAN-PIN a bai tuma nota di e situashon na diferente playa na banda bou despues di e mal tempu ku tabata tin den siman ku pasa.
Dirante e bishita aki nos a papia ku diferente hende ku a bira viktima. Tin piskadonan ku pèrdè nan boto kual ta e forma pa nan genera entrada pa nan biba. Ta importante pa nos keda stimula peska den nos komunidat komo un tin e fuentenan di generá nos propio kuminda, nos seguridat alimentisio.
Durante di bishita na Playa Kenepa Grandi nos a kombersa ku diferente persona i tuma nota di e situashon di infrastruktura. Den e kaso aki tin kosnan na loke ta infrastruktura ku mester keda remedia manera WC publiko kual mester keda konstruí pa publiko. Iluminashon di e area kompleto kaminda mester kaba di instalá e infrastruktura pa asina den ora di lat anochi tin iluminashon.
E drechamentu di infrastruktura ta pa mehora estadia di pueblo i turista na playa kenepa i yudansa di piskado ta un muestra di duna sostene na empresario chiki i promove nos propio kuminda.
Den futuro lo ta bon pa krea un fondo pa duna sosten na personanan ku dor di un kalamidat òf mal tempu duna sosten.
Pero tambe bini ku un fondo di kredito di peska, meskos ku un di agrikultura pa stimulá “food security “ i krea kupo di trabou asina stimulá e sektornan ekonomiko aki.
Nos a manda un karta konforme reglamento di orden kaminda nos ta hasi diferente pregunta i trese sugerensia na Gobièrnu.
