E proposicion final pa e proyecto di haf pa Saba a wordo aproba durante un reunión di e Steering Committee na Ministerio di Infrastructura y Maneho di Awa siman pasa.
Dia 22 di maart ultimo un delegacion di Saba, encabesa pa Comisionado di Infrastructura y Finanza bruce Zagers, a participa den un reunión di e Steering Committee pa discuti e ultimo desaroyonan y e siguiente pasonan di e proyecto c uta consisti di un haf nobo hopi necesario pa Saba.
Cu aprobacion di e ultimo proposición, un paso importante a wordo tuma den e proyecto aki. E ultimo proposición ta consisti di desaroyo di un waf nobo na Black Rocks mientras cu lo drecha e pier existente na Fort Bay Harbor, haciendo esaki resistente pa carga den futuro.
E Steering Committee a duna su aprobacion pa prepara e documentonan di licitación di e proyecto di haf y cuminsa e procedura. E proyecto lo wordo ofreci den paketenan. Di e forma aki, por haci un inicio cu realización di e proyecto di haf, a pesar di e restriccionnan presupuestal.
E proyecto di haf aki no solamente lo mehora e accesibilidad di Saba, pero tambe lo tin un impacto riba: desaroyo económico, turismo, empleo, etc. Pa e motibo aki, e delegación di Saba lo tin encuentro cu diferente otro ministerio pa discuti e impacto mas amplio di e proyecto di haf, e siman aki.
“Esaki ta un momento grandi pa continuación di e proyecto aki,” Zagers a comenta. “Nos tur ta entusiasma pa dal e prome paso y mira e progreso. Pero esaki ta pasonan neceasrio, cu por tuma tempo, pero necesario pa sigura cu e ehecucion y e producto final ta wordo haci di e forma correcto e prome biaha. Un proyecto di e magnitud aki por wordo pura, pero awo cu nos tin un acuerdo di con e mester ta, e filenan neceasrio por wordo completa pa cuminsa e parti di licitación.”
E siguiente lunanan lo wordo dedica na preparación di e documentonan, finalisa e Environmental Impact Assessment y entrega di e peticionnan di permiso. E trabounan di caminda y muraya lo sigui, mientras cu preparacion ta wordo haci pa conecta e área di e proyecto na utilidadnan. Negociacionnan pa un Project Manager pa e haf nobo ta andando ainda.