Aruba tabatin un fin di siman tras di lomba cu diferente actividad di Carnaval, Tuma y parada di fantasia. Vocero di polis Liliana Rasmijn ta duna di conoce cu tur cos a bay hopi bon y cu e comunidad di Aruba a sa di comporta su mes bon. Sinembargo despues di Tuma a haci control di trafico lamentablemente un biaha mas tabatin detencionnan cu a tuma luga di personanan cu ta core bou di influencia di alcohol.
Segun vocero di polis Liliana Rasmijn polis lo keda enfoca riba e parti aki pa preveni accidentenan grave y situacionnan tristo cu esaki por bin cu ne. Pa loke ta trata Tumba tur cos a cana bon y ta duna un elogio aki unda cu e comunidad a sa di comporta bon. E weekend a cera cu parada di fantasia unda cu pa 2:09 e parada a start y pa 6:28 e parada a yega su final na Joe Laveist Sport Park in San Nicolas. E parada riba su mes a cana hopi bon, KPA tabatin 100 polis cu a vigila e parada y te na final di e parada tabatin 0 detencion.
Sinembargo por papia bon di paradanan di fantasia debi cu e parada aki pa basta anja tras di otro e parada ta cana hopi bon y tur aña tabatin 0 detencion. E ta un parada di mucha y ta importante cu comunidad ta birando mas consciente cu nos mester laga e muchanan disfruta.
Vocero di polis Liliana Rasijn kier recorda tur carnavalista cu corda riba FADA su consego , percura pa bo tin bo amigo responsabel “stel bo BAR”. Tin 100 polis riba caminda y ta trata aki di polis nan uniforma, pero tambe recherche, CEA,K9,ME,administratie, comando kamer ect ect.
Ta spera cu e next paradanan tambe e comunidad por comporta nan mes cu nada grave no tin nodi sosode.