Santa Rosa tabatin su Pop-Up Market den fin di siman y for di den oranan di mainta trempan ya vana tabatin e bishitantenan haciendo fila y ta warda pafo pa asina Santa Rosa habri. Tabatin diferente tent nan cu diferente productonan local, entre nan carni cabrito y carne tambe tabatin bonchi, pampuna. Vocero di Santa Rosa ta duna di conoce cu e Pop-up market cu Santa Rosa a organisa tabata bon bishita.
Por bisa cu e ta un exito, pero na mes momento por ilustra cu esaki ta un di e eventonan pa encursha e productornan Arubiano pa nan sigui produci paso mercado tin. Esaki ta e caminda cu e agricultornan local ta haya e espacio cu nan merece.
Sinembargo no ta e Pop-up market so tin , pero tambe tin e mercado Santa Rosa unda cu tin mas di 40 productornan local cu ta ofrece nan producto. Sinembargo actualmente Santa Rosa tin algun tempo cu a cuminsa cu e Pop –up Market y aki ta caminda cu ta brinda un di dos oportunidad pa asina e agricultornan trece nan producto y por bende esaki na e pueblo di Aruba.
E Pop –up Market ta riba diasabra for di 8 or di mainta te cu 11or esaki ta wordo organisa un of dos bes pa luna pa asina e productornan local haya e oportunidad di bende nan productonan. Sinembargo pa tin pop –up market ta depende di e productornan local con hopi nan ta produci pa por bende cu e comunidad di Aruba berdura y fruta fresco.
Den transcurso di 2024 den october,november y december awa a yobe hopi y awor den januari ainda e productornan ta cosechando bonchi , pampuna, pinda ext ect cu awe por a haya diferente di e productonan aki den e Pop- up market. Loke cu ta bon cla ta cu e demanda ta keda halto pa loke ta trata productonan local pa carni di cabrito, carne y porco, pero tambe e bonchi y e pinda.
Santa Rosa ta keda conscientisa e comunidad di Aruba pa sigui pusha pa nos productornan local sigui produci. Santa Rosa ta na altura cu e transcurso di aña ta fastioso debi cu awa no ta yobe manera cu e ta yobe den transcurso di fin di aña.
Prijsnan di e productonan ta na alcance di tur e productonan cu tin , pesey mes ta importante pa comunidad di Aruba bishita Santa Rosa y apoya nos agricultornan local.
