Art Culture Education Foundation ta hopi kontentu di anunsia un
proyekto nobo ku ta hiba di nomber “CAREER”. E intenshon di e proyekto aki ta pa
yuda 5 hoben talentoso pa hasi nan soño pa bira un kantante i kuminsa un karera
realidat. E proyekto emoshonante aki ta wordu finansia dor di Fonds Podium Kunsten
Hulanda. E projekto aki a wordu koutelosamente diseña pa yuda hobennan ku ta aspira
pa bira artistanan lokal i posibelmente logra internashonalmente pa desaroya nan
abilidatnan ku nan lo bai tin mester pa ta eksitoso den e mundu di farandula.
E proyekto Career ta duna kada artista training den e siguiente areanan: Kanto, skibi,
guia riba kon pa krea bo mes estilo di bisti, bo imagen riba esenario(paña, sapatu, kabei
etc..) Nan lo siña tambe e aspektonan importante den un karera artistiko manera
merkadeo i maneho. E proyekto aki ta habri pa hobennan entre 18 pa 31 aña ku tin
intenshonnan serio den konstrui un karera komo kantante.
E proyekto aki lo wordu karga dor di dos artista grandi Boneriano, Tata i Yu. Tur dos tin
logronan grandi artistikamente tras di lomba. Ta trata aki di Xemio i Xechell Jacobs. Dos
generashon diferente ku lo bai komparti nan konosementu ku esnan ku ke logra. Huntu
nan lo bai duna e hobennan aki un training intensivo i benifisiante pa kada partisipante.
Interesadonan por inskribi via di e facebookpage di ACE Foundation Bonaire of via di
mail career@gmail.com. Bo tin e oportunidat di registra for di dia 1 di februari t/k 7 di
februari 2025. Dia 8 di ferbuari lo bai tin un anochi di infromashon 17:30 di atardi na
Creative World na Tera Cora. Tur ku registra lo wordu invita pa un kombersashon i
oudishon pa wak kon e nivel di kada kantante ta. Despues di e oudishon lo skohe e
miho 5 ku nan lo bai sigui e trayektoria intensivo di preparashon ku lo dura dos luna
largu. E trayekto ku lo hibanan na eksito.
E programa aki lo keda koordina dor di ACE Foundation i finansia dor di Fonds Podium
Kunsten Hulanda.
