Awe diasabra 10 di juli ta tumando luga, Vacunathon YOUTH EDITION. For di 9or di mainta mayornan ta acudiendo cu nan yiunan pa ricibi nan vacuna contra COVID-19. Centro Libertador Betico Croes lo ta habri awe te cu 4or di atardi. Cuminsando for di 12 aña tur persona por bin ricibi nan vacuna y di e forma aki proteha su mes y contribui na recuperacion di Aruba door di evita e virus di sigui plama.. Importante ta pa nos tur ta vacuna pa asina por combati conhuntamente e virus di Covid cu pa un tempo largo a paralisa nos bida y haci cambio grandi den nos bida diario. Pesey mes pa bo ta safe vacuna. 
Vacunathon Youth Edition cu bon acohida
