Djabièrnè 12 di yüni e Sentro di Operashonnan Marítimo di Wardakosta a risibí un notifikashon di Kuerpo Polisial di Kòrsou indikando ku lo tin un turista pèrdí. Un hòmber lo a bai kana den area di San Pedro na altura di Tera Kora i a pèrdè. Mesora polis a sali pa bai yuda e hòmber, pero e hòmber tabata na un klif basta haltu i tabata difísil pa yega einan. Esaki a pone ku polis a pidi asistensha di Wardakosta.
Wardakosta a desplegá su helikòpter pa asistí e hòmber den e area. Despues ku e hòmber a ser hisá for di e klif, el a ser transportá pa aeropuerto di Hato. Durante su kaminata, el a sufri algun leshon i tambe e tabata mustra señalnan di deshidratashon. Na yegada na Hato a entreg’é na servisio di ambulans pa tratamentu médiko.