Wardakosta ayera tardi lat a risibí informashon di un sambuyadó perdí den area di e bahia di Piscadera. E hòmber ta un sambuyadó eksperensia i tabatin su mes ekipo di buseo huntu kuné pa sambuyá. E ‘duikschool‘ unda hopi biaha e ta bishitá na Piscaderabaai a bati alarma ora ku e hòmber no a regresa na e orario akorda. Despues di e informe di e ‘duikschool‘, Wardakosta a desplega e helikòpter, e avion Dash i un Metal Shark pa buska e sambuyadó. Otro sambuyadónan i boto tambe a bai buska e hòmber den e area. Lamentablemente, e búskeda despues di bahada di solo, ku a hasi e operashon mas difísil, no a logra enkontrá e sambuyadó. E búskeda lo sigui awe durante di dia.
Wardakosta ta sigui ku búskeda pa haña sambuyadó
