Awe e team di Narcotica a haci un entrada hudicial na Semeleerstraat na Noord den cuadro di un investigacion andando pa bendemento di droga for di un percela.
For di un percela den Semeleerstraat a detene cuater persona envolvi den e caso aki.
Un hende homber di 26 aña di edad di inicial J.S.C. Tres hende muher di inicialnan R.J.R.M di 21 aña, S.Z.T.M. di 21 aña y J.R.M. di 40 aña di edad.
Na e dicho percela a haya marihuana, cocaina y XTC tur esakinan a wordo tuma den beslag pa mas investigacion.
Conhuntamente cu e unidad di Rapid Response Team, K-9 Unit, Flex Team y bou coordinacion di Unit Narcotica a haci e entrada hudicial aki. No ta descarta cu lo por tin mas detencion.