Cu grato placer Aruba Hypnosis Center ta anuncia cu Dr. Emile Keuter, Greg Peterson,
Juritza de Cuba, Kathryna Baptiste y Zxavi Hoek a certifica como hypnotherapista. E curso basico pa avansa a wordo duna na e training Center di Aruba Hypnosis. Pa Dr. Emile Keuter, neurologo local, e parti di e curso cu pe mas a destaca ta e parti practico.
E curso ta basa ariba e metodo di OMNI Hypnosis Training Center, crea door di Jerry Kein y ta wordo considera e scol di hypnotherapia mas prestigioso na mundo. E curso ta consisti di 7 dia (100 ora) di training intenso cu hopi practica y demostracion. E curso a wordo presenta door di Eddy Oduber cu tin mas cu 16 aña di experiencia den hypnotherapia. Kathryina Baptiste, cu a bin for di Trinidad pa atende e curso, a comenta cu el a keda encanta cu henter e curso.
Eddy a certifica como un Certified Designated OMNI Hypnosis Instructor na 2013 y tin algun aña ta duna e curso un biaha pa aña na Utah, USA. Pa motibo di Covid, aña pasa y e aña aki e curso a wordo duna na Aruba. Juritza de Cuba, un psycholoog, a comenta: siña di e miho y ta bo miho.
Ademas di curso di hypnotherapia avansa, tambe tin curso di self-hypnosis cual proximo lo tuma luga na october.