ORANJESTAD,Aruba
Diamars atardi Miembronan di Aruba One Happy Island Lions tabata na Chinese Cooperative Association Club pa ricibi un donacion di comestibles for di FPNC, esaki tabata posibel danki na e donacion cu Chinese Cooperative Association a haci. Cu e donacion ricibi nos club di servicio por sigui cumpli cu nos meta pa yuda alivia famianan den necesidad pa un corto tempo. E proyecto di entrega di paketenan cu comestibel ta wordo coordina cu FPNC pa asina sigura cu famianan no ta haya dobel y cu ta alcansa yuda mas tanto famia posibel. Algun siman atras Aruba OHIL Club a haci donacion di productonan na FPNC pa famianan den necesidad y awe FPNC pa medio di e donacion di Chinese Cooperative Association ta haci donacion na Aruba OHIL Club pa entrega esakinan na famianan cu den necesidad, esaki sigur ta un bunita ehempel con organisacionnan mester traha cu otro y cu un solo meta sirbi y yuda esnan cu mas tin mester den dje especialmente den e periodo dificil cu nos ta pasando aden. Un danki na tur boluntario pa nan ayudo y tempo dedica como tambe un danki na Adju Upholstery y su team pa a yuda transporta e cahanan di productonan ricibi. Den nomber di tur e famianan cu lo wordo yuda cu e donacion ricibi, palabra di danki na Chinese Cooperative Association y Fundacion Pa Nos Comunidad.
