Directora di Biblioteca Nacional Aruba, sra. Astrid Britten a entrega Minister dr. A.R. Lampe e buki nobo ‘Ora Ubao’. Esaki ta e publicacion nobo den cuadro di Festival di Buki pa Mucha 2020 cu ta tuma lugar di dia 2 pa dia 6 di november. Tur mucha na Aruba por ta parti di e festival aki lesando hunto di e tema ‘Historia’. Y por wak presentacion di autor di buki pa mucha.
Minister di Educacion, Sciencia y Desaroyo Sostenibel, dr. A.R. Lampe, a keda inspira pa e buki y e tema di e festival. Pesey e ta yama tur mucha pa lesa e buki ‘Ora Ubao’ cu ta disponibel na libreria y tambe tur scol participante ta haya e buki aki gratis pa nan biblioteca na scol. Minister dr. A.R. Lampe ta enfatisa e importancia di lesamento pa mucha pa nan por participa den e proceso di siña, sea na scol of na cas y asina adkiri conocemento