Trahamento di rijbewijs tabata un situacion hopi fastioso, durante tempo a bin diferente cambionan y no a logra esaki bao di e maneho di polis. Tabata tin un temporada cu hasta tabata tin negoshi di rijbewijs na Aruba y rijbewijsnan falso cu a keda circula na Aruba. Sinembargo awor aki e dolor di cabes aki no lo bay existi mas. Den pasado ex mandatario di husticia a stop e proceso pa traha rijbewijs na Hulanda y cu Aruba lo mester a produci su mes un rijbewijs y na unda cu mester a cumpra un mashin pa e proceso cuminsa cana na Aruba mes y cu lo traha rijbewijs na Aruba mes. Pero esaki a sosode sin un structura y sin un maneho.
Sinembargo durante di aña esaki no a funciona bao di cuerpo policial pa un motibo of otro y awor mirando e posibilidad nan cu censo e gobierno actual a tuma e decision pa pasa e departamento di otorgamento di rijbewijs bao di Censo Aruba cu ta keda maneha bao di Sra Luidens. Awor por bisa cu Oficialmente a traspasa e otorgamento di rijbewijs di Cuerpo Policial pa Censo . Cu esaki e cliente cu haya un rijbewijs nobo, por haya servicio mas lihe, y tin un documento mas confiabel, a base di tecnologia moderno. Un danki na Censo, KPA, minister Andin Bikker y prome minister di Aruba Evelyn Wever Croes cu a haci esaki posibel na bienestar di comunidad di Aruba.
