Direktorado di Supervishon i Mantenshon di lei a risibí siñal ku tin bòter di wiski falsifiká di e marka Johnnie Walker Black Label riba merkado. Tin bòter di Black Label na benta di kua no por saka afó na unda esaki a keda fabriká. Por rekonosé e bòternan ku tin duda den dje na e manera ku a skrap e number di fabrikashon. Por haña e number di fabrikashon aki na e parti abou patras di e bòter.
Na e momento aki direktorado di Supervishon i Mantenshon di lei ta investigá e kontenido di e bòternan falsu di Black Label. Pasó no ta kla ainda kiko tin den e bòternan, direktorado di Supervishon i Mantenshon di Lei ta konsehá pa no bebe e wiski te ora ta sigur ku e produkto ta seif.
1 comment