Tur habitante i bishitante di Boneiru mester keda hasi uso di e playanan na nos isla. Esei ta meta di Entidat Públiko Boneiru. Pa logra esaki ta hasiendo esfuerso pa tur tereno ku ta na e playanan públiko konosí, bini den poder di EPB.
Sea ta e bich na Fòrn’i kalki (Bachelor’s Beach) òf esun na Donkey Bich/Te amo, tur ta parti di nos patrimonio. Pa un i tur por sigui disfrutá na e sitionan ei, a traha un plan pa den añanan binidero drecha e playanan. E enfoke ta pa tin espasio pa rekreá i tambe protehá naturalesa.
Pa ehekutá e plan EPB ta haña importante pa e terenonan ta liber pa desaroyá. Tabatin tereno manera esun na e playa konosí komo Te Amo ku otro individual a keda di desaroyá. Den korte hues a mustra ku EPB mester haña e tereno bèk. E proseso aki ta tumando lugá aworakí.
Pa Fòrn’í Kalki ya kaba a presentá e plannan. Lo desaroyá e tereno na e playa pa dun’é un imágen hopi bunita. Ya asina tur habitante i bishitante di Boneiru tin playanan plasentero, seif i di bon kalidat.
