Team di Crimen Cibernetico (Cyber Crime Team) y e Team di Criminalidad Financiero Economico (Finec) di Cuerpo Policial Hulanda Caribense (KPCN), a duna un presentacion durante un seminario tocante ‘Cybersecurity’ organisa pa Maduro & Curiels Bank Bonaire N.V. (MCB)
CCT a duna un splicacion amplio tocante e team di crimen cibernetico, conscientisacion y prevencion. E parti di conscientisacion tabata basa riba e panorama di casonan y of notificacionnan cu a bini dilanti e aña tras di lomba, manera entre otro ‘phishing/smishing’, ‘business email compromise’ y ‘hacking’ (di cuentanan di Facebook/whatsapp).
Dor cu criminalidad cibernetico por tin consecuencia grandi pa un compania, bishitantenan di e seminario a haña algun tip y conseho cu por haci nan mas resistente contra atake cibernetico manera. Tipnan tabata entre otro e importancia di diferente codigo secreto, un ‘2-factor authenticatie’, instala ‘update’ di aparatonan na tempo y e control regularmente di bo cuentanan riba mensahe di contactonan sospechoso of desconoci. Tambe a sugeri e bishitantenan pa duna keho of notificacion di un incidente cibernetico.
E team di Finec a presenta e manera di investiga ‘Follow The Money’. A splica cu crimennan cibernetico no tin solamente spor digital pero den mayoria casonan tin tambe spornan financiero pa sigui.
Cu esaki Cuerpo Policial Hulanda Caribense ta contribui na un manera proactivo riba conscientisacion tocante e riesgonan di criminalidad cibernetico.
