Diabierna desde 4or di atardi te den oranan di diasabra madruga polis tabata tin control full rond di Aruba.
Ta asina cu a para mas cu 800 vehiculo di motor entre otro auto / scooter/ bus y a reparti mas cu 332 multa.
Durante e control grandi aki a detene 9 persona indocumenta cu a ser pasa pa e departamento di Guardo Nos Costa A detene varios chauffeur pa maneha auto bao influencia di alcohol y pa maneha auto sin rijbewijs.
A confisca diferente vehiculo di motor , den nan dos bus.
Durante e control policial a confisca droga y arma blanco.
Polis tambe a tene control riba e orario cu e negoshinan mester ta sera y si ta cumpli cu e reglanan stipula pa cu DVG.
A controla un total di 16 supermercado, 33 bar/restaurant.
Controlnan lo sigui y Cuerpo Policial ta recorda tur hende pa wak pa bo documentonan di vehiculo di motor ta na ordo.
Si bo ta bebe no stuur y si bo ta stuur no bebe.
Corda riba e medidanan di DVG cu ta na vigor.
