James Finies presidente di Nos Kier Boneiru bek I fundado di Aliansa Progresivo Karibense ta marka di 168 dia di pelgrimahe den Latino Amerika I Karibe I ta na Barbados pa partisipa komo orado den Konferensia Internashonal riba Reparashon tene di 4 pa 6 di Augustus na Universidat di West Indies organisa pa e Kongreso Global Afrikano.
Reparashon ta un inisiativa di movementonan Pan-Afrikanista pa establese e kaso moral, etiko I legal pa kompensashon dor di gobiernonan di tur e anterior podernan kolonial I institushonan relevante di e paisnan aki na e nashonan I pueblonan Karibense.
E obhetivo prinsipal ta pa globalisa e demandanan pa reparashon basa riba e prinsipionan ku hustisia mester wordu sirbi pa por repara e danjonan I rektifika e inbalansa kausa pa e krimenan kontra humanidat di genoside di nativonan, e trafikashon Trans-Atlantiko di Esklavonan I e sistema rasial di Sklabitud.
Sr Finies lo papia riba e topiko di Dekolonisashon di e sobra teritorionan di Karibe I Latino Amerika huntu otro lidernan global I di Karibe; honorabel Mia Mottley Prome Minister di Barbados, Presidente di Kongreso Global Afrikano Cikiah Thomas, Miembro di Parlamento komo minister spesial pa Reparashon honarabel Trevor Prescod, Presidente di Komishon di Reparashon di CARICOM Prof Hilary Beckles, Ambasador di CARICOM honorabel David Comissiong I hopi otro lidernan prominente di Karibe.