M21 i PDB ta firma un akuerdo di koperashon di frakshon. E dos partidonan ta topa otro riba diferente punto pa gobernashon i ta dispuesto pa kolaborá ku otro pa fiha un fundeshi sólido. E kambio ku Boneiru a indiká di ke durante elekshon di 15 di mart último ta opvio i M21 i PDB pa medio di e akuerdo ta dispuesto pa traha huntu na bienestar i interes general di Boneiru den Konseho Insular.
M21 ta di opinion ku despues di elekshon tur partido ku ta representá den Konseho Insular mester tin un solo meta: uni forsa i traha na interes di e pueblo di Boneiru. E akuerdo di koperashon aki ta e promé paso den e direkshon aki i nos ta spera ku otro koleganan por djòin nos den esaki na bienestar di Boneiru.
Resultado di elekshon ta mustra ku pueblo di Boneiru ke un kambio. M21 ta mira hopi puntonan similar den e programanan di M21 i PDB. Nos ta duna espasio, ta respetá resultado di elekshon i tá e diferensia pa medio di sostené e eskoho di nos pueblo.