Aruba Hotel & Tourism Association (AHATA) ta acumula e cifranan di ocupacion y prijs di hotelnan tur luna, y CEO di AHATA, Tisa LaSorte, ta raporta cu grado di ocupacion a cai atras den luna di September pero trajectoria di balor averahe di cada camber ta sigui positivo. E ocupacion di hotel y RevPAR averahe pa e prome 9 luna di 2022 ainda no a yega nivel di 2019.
SEPTEMBER 2022:
- Ocupacion: E grado di ocupacion tabata 72%; representando un recuperacion di 90% compara cu nivel di ocupacion na 2019.
- ADR: E balor averahe di cada camber bendi tabata $ 256.35, cual ta 20% mas cu na 2019.
- RevPAR: E entrada averahe pa tur camber disponibel tabata $ 184.29, cual ta un aumento di 8% compara cu RevPAR di September 2019.
- AVERAHE DI PROME 9 LUNA DI 2022:
- Ocupacion: E ocupacion averahe di prome 9 luna tabata 74%; un recuperacion di 86% compara cu 2019.
- ADR: E balor averahe di cada camber bendi tabata $304.24, cual ta 9% mas cu na 2019.
- RevPAR: E entrada averahe pa tur camber disponibel tabata $224.32, cual ta un recuperacion di 94% compara cu RevPAR di prome 9 luna di 2019.
PROYECCION:
Ta proyecta un recuperacion di 97% pa luna di October y expectativa pa ful aña 2022 ta un recuperacion di 90% compara cu 2019.
TIMESHARE:
Ocupacion na propiedadnan Timeshare tabata 82% na September .
