Minister di Enseñansa Rudy Lampe ta kere ta importante pa nos tur na Aruba ta mas consiente kico ta pasando cu nos Pais. E pandemia di COVID19 a afecta mundo henter , pero a haci un daño enorme na Pais Aruba y e la haci esaki tambe den enseñansa di Aruba tambe. Un crisis cu sigur nos yun no a spera. Pesey mes tin hopi cambionan ta tuma luga, paso nan mester tuma luga pa evita situacion nan peor den enseñansa na Aruba.Segun Minister Rudy Lampe hopi hende berdad no ta gusta cambio, debi nan ta den nan comfort zone y na momento cu bin cambio e ta bin cu turbulencia. Sinembargo cambio den bida ta inevitabel. Segun e mandatario e ta inevitabel den un bida humano pa conoce crecemento, y dor di crecemento tin cambio. Nos no mester tin medio pa cambio, si no tin cambio no tin crecemento. Actualmente Aruba completo ta den un cambio dor di COVID19 y esaki no ta un exepcion pa e mundo di enseñansa tampoco.
Nos no mester tin miedo pa cambio e ta inevitabel den bida
