Despues di 10 luna sinta como gobierno awo ta structura cartera di minister nan, mientrastanto tur minister a traha manera bol di hilo bruha
Parlamentario Dangui Oduber den parlamento di Aruba ta indica cu Raad van Advies den nan conseho pa cu e ley di Landsverordering Insteling Ministeries LIM ta haya un dikke nul di Raad van Advies y esaki ta significa cu e rumbo cu gobierno di AVP –FUTURO ta dicidi pa Aruba no ta e rumbo bon y tampoco na beneficio di e pueblo di Aruba.
Segun oduber na momento cu a cuminsa reparti carteranan di e diferente ministerionan ta sinti un tension grandi entre e parteranan di coalicion. E reparticion di e carteranan ta inlogico y Raad van Advies a indica esaki tambe den su conseho.
Parlamentario Dangui Oduber ta indica cu Raad van Advies a duna e reparticion di cartera un dictum 4, cu ta compara cu un ‘diepe onvoldoende’ unda cu Raad van Advies a conseha gobierno di Aruba pa no trata e ley di LIM manera cu e carteranan a wordo poni den otro, pero asina mes gobierno di AVP –FUTURO no ta tuma e consehonan aki y ta dies haci nan kier y tat rata e ley di LIM tog den parlamento , un structura di gobierno di Aruba cu no ta bon pa Aruba.