Mientras cu e trabaonan preparatorio ta continua pa e proyecto nobo di Ports Black Rocks na Saba, ya caba a keda anuncia cu e prome fase di mehoracion di e waf existente di Fort Bay cu lo cuminsa den luna di januari 2023. Unabes cu e parti di e waf nobo keda construi na Black Rocks, e waf di Fort Bay ta permanese den uzo como e waf di carga.
Sinembargo parti di e proyecto general di e waf ta pa mehora e pier y drecha e parti di instalacionnan di e portanan existente na Fort Bay .E pier principal lo keda drecha y ahusta. E trabaonan di reparacion a keda planifica di tal manera cu e barconan y tambe e ferry por keda haci uzo di e pier tanten cu e ta den renobacion. E trabaonan lo cuminsa pa otro aña pa januari mes mirando cu tambe tin plan pa celebracion di 50 aniversario cu lo ta dia 6 di November 2023. Manera cu ta celebra e actividadnan anual manera dia di Saba cu tambe mayoria biaha ta keda celebra riba e pier. Tambe pa evita retraso di e trabaonan ya caba a manda pidi e materialnan necesario pa haci e trabao nan necesario pa asina e construccion y reparacion keda haci manera debe ser.
Pa loke ta trata e waf nobo tambe ta preparando pa e construccionnan pero esaki lo bay dura hopi mas largo, mirando cu e ta un trabao mas lago y mas complica. Esaki ta specificamente debi cu Saba ta un isla hopi chikito y e ta conta solamente pa Saba mirando e circunstancianan di e diseño y e limitacion di un isla chikito cu limitacion ta hunga un rol den e parti aki. Mester a calcula e situacion di e lama , pero tambe mester a tene cuenta tambe cu Saba ta un isla cu ta confronta basta cu momentonan di horcan y tur esaki mester a tene cuenta cu ne, Asina gerente di e proyecto Mario Prak a duna di conoce na momento cu a duna un presentacion y splicacion di e proyecto di waf nobo pa Saba.
