Siman pasá a tuma lugá den Pasangrahan un seremonia di naturalisashon durante kua 13 persona a risibí nashonalidat hulandes. Tres di nan a huramentá dilanti di gezaghebber Edison Rijna i 10 persona a hasi e promesa. Gezaghebber a duna di konosé ku e grupo di personanan naturalisá akí ya tin basta tempu kaba bibá na Boneiru i ku tur a duna un kontribushon positivo na desaroyo di nos isla. Awor ku ofishalmente nan tin nashonalidat hulandes, nan ta risibí tambe tur derechi i obligashon ku ta pertenesé na esaki, manera derechi di voto aktivo i pasivo i e pasport hulandes.
Diestres habitante a naturalisá
