Chauffeur no a para pa polis a core laga auto atras

Diaranson anochi pasa di 8’or patruya di Playa a duna un Chevrolet Celta ordo pa para, esaki no a cumpli cu e ordo di polis. E Chevrolet Celta a subi velocidad y asina a cuminsa un persecusion no cortico.Esaki a termina den Sividivi, schuin patras unda antes tabata e bar restaurant. Di eynan e ocupante lo a baha core bay ariba un velocidad basta halto lagando dos agente policial atras.Despues di algun rato e area tabata yen di polis, cu a bin yuda nan coleganan pero sin resultado.Pa locual ta e vehiculo, esaki a wordo hiba warda di Santa Cruz cu takelwagen. Kiko ta e motibo cu e chauffeur a baha core bay y desaparece den e scuridad di anochi no ta conoci.