Filomena College MAVO ta e scol di Aruba cu ta focus tanto riba educacion como riba proyectonan den cua e talento artistico y deportivo di cada alumno ta central. Recientemente un grupo di miembro di fundacion Bernadina Growell tawata di bishita dunando e alumnonan un presentacion riba e bida di e fayecido cantante y mama di Aruba su cultura. Si Bernadina tawata na bida, lo el a cumpli 84 aña. Pa Fundacion Bernadina y Departamento di Cultura Aruba ta importante pa por haci e presentacion di e mas reciente publicacion di e bida di Aruba su Mama di Cultura Bernadina Growell-Kock conmemorando su fecha natalicio. Esunnan cu a duna e presentacion tawata Lena Orman, representante di Fundacion Bernadina, Jose Orman, director di Grupo Palesia, Bertha Willems cu ta Dama Grandi Cultural y Jhon Freddy Montoya di Departamento di Cultura.
A papia corto di loke Bernadina a nifica pa Aruba y a toca musica di tambu y wiri acompaña pa e canto di entre otro e cancion “Pilar”.
