Cinco di e diesdos acusadonan den e caso Avestruz a wordo declara completamente liber di e acusacionnan contra nan.
Ta papia aki di e hotelero Ewald Biemans (soborno); Mary Winterndaal (Director di Deshaun cu a haya un tereno comercial); Rebecca Richardson;, Frederick Eevery y Franklin Abath.
Tur e otronan a wordo haya culpabel di un of mas delito, pero en general por bisa cu no ta tur e acusacionnan a keda proba y por lo tanto e castigo tampoco tabata manera exigi door di Ministerio Publico.
Banda di e cinco personanan declara liber, tin e grupo di Carlo Mansur, Leoncita Arends, Ninosca Nuñez y Gaby Werleman, kendenan a wordo haya culpabel di
Den e caso di Curt Harms, Corte a conclui cu no a keda proba labamento di placa. Pero si a keda proba actieve omkoping (di Sevinger). Esaki tabata donacion cu el a haci na e donacion Curason Berde di exminister Benny Sevinger. A pidi 100 ora di trabou pa comunidad of 60 dia cera y un boet di 25 mil florin. Demasiado tempo a transcursi pa cual Corte a dicidi cu ta impone solamente un boet di 15 mil florin.
Den e caso contra Carlo Mansur y Leoncita Arends ta acusa nan di oplichting y valsheid in geschrift. Y Arends tambe di soborno. Valsheid in geschrift no a keda proba pero si oplichting. Tampoco a proba soborno. Hues a bisa cu e declaracion di e testigo di Roja no ta cos pa kere. Arends a haya 24 luna di cual 12 luna ta condicional, boet di 50 mil florin y tres aña di prueba, durante cual no por pidi tereno, ni directamente ni indirectamente.
Carlo Mansur haya culpabel di solamente oplichting y a impone un castigo mescos cu Arends, numa cu e boet ta 25 mil florin.
Gaby Werleman y Ninosca tambe haya culpabel di oplkichting pa cual a haya castigo di 24 luna di cual 12 luna ta condicional, 3 aña di prueba, y cu durante e periodo ey no por pidi tereno, boet di 25 mil florin.
Por ultimo e amigo di infancia di Sevinger Pieter Susebeek cu Corte a declar’e liber di labamento di placa y a haye culpabel di actieve omkoping, esta soborno. A dun’e 2 aña, di cual 1 aña ta condicional, 3 aña di prueba.,