Den e siman di 25 di september, 26 di september, 27 di september i 28 di september, Corsou, mescos cu otro paisnan rond mundo, ta celebra e Dianan Maritimo Internacional. E dia mas importante di e dianan aki ta tuma luga tur aña riba e ultimo diasabra di e luna di september, cu ta Dia Maritimo Internacional.
E aña aki, esaki a tuma luga riba 28 di september. Durante e siman aki, Curaçao Ports Authority (CPA), Compania di Tou Corsou (KTK), Curaçao Pilots Organization (CPO), e Warda Costa i Citro a organisa diferente actividad pa conscientisa studiantenan di e importancia di e sector maritimo i, en particular, e trabou cu e diferente companianan aki ta ehecuta. Tur aña, e Internacional Maritime Organization (IMO) ta celebra e Dia Maritimo Internacional i ta enfoca riba un topico maritimo relevante.
E tema di e aña aki tabata ‘MARPOL na su 50 aña “Nos compromiso ta continua’, reflehando e historia largo di e organisacion den proteccion di medio ambiente for di e impacto di transporte maritimo dor di un macro regulatorio robes i enfatisando su dedicacion continuo na e trabou importante aki. Riba diamars 26 di september, Minister di Desaroyo Economico, sr. Ruisandro Cijntje, hunto cu e director di CPA, sr. Humberto de Castro, y Minister Hato, representando Minister Charles Cooper di Trafico, Transporte y Planificacion Espacial, a habri e Dianan Maritimo 2023. Durante e evento aki, a duna e studiantenan di diferente scol secundario splicacion tocante e importancia di medio ambiente pa e sector maritimo na Corsou.
Tambe a sali na cla cu ta prestando atencion global na desaroyonan tecnologico nobo pa haci e industria maritimo mas consciente di medio ambiente. Despues di e apertura oficial, e studiantenan a subi riba un boto di remorqueo di KTK i un ferry, caminda nan a ricibi informacion for di e operadonan di e boto i e personal di Fort Nassau (e Centro di Control di Trafico di Puerto). Tambe nan a subi e ‘cutter’ Jaguar di e Warda Costa, e ‘seadoo’ di Citro, i a ricibi informacion tocante e debernan di e piloto.