Na Haagse Hogeschool a tuma lugar un session di e “Werkveldcommissie Koninkrijkszaken”. Minister Plenipotenciario mr. Ady Thijsen conhuntamente cu su coleganan di Curaçao y St. Maarten a participa e merdia aki unda den grupo a discuti e actual programa di “Minor Koninkrijkszaken” cu ta parti di e facultad “Bestuur, Recht en Veiligheid” di Haagse Hogeschool.
“Minor Koninkrijkszaken” ta un programa cu ta brinda studiantenan di Haagse Hogeschool e oportunidad pa haya mas conocimento di Reino Hulandes. Tambe tin un seccion cu ta specialmente pa ambtenaarnan di diferente ministerionan cu den nan trabao tin di haber cu e relacion cu e paisnan den Reino.
E intencion di e session cu e “Werkveldcommissie Koninkrijkszaken” a organisa ta pa intercambia cu otro riba puntonan cu por mehora e programa.
Banda di e tres Ministernan Plenipotenciario tambe a participa e.o. miembro di Tweede Kamer pa D66 Jorien Wuite y staatsraad pa Curaçao na Raad van State Paul Comenencia.