FeaturedLocal

Prome minister ta gradici sra Mildred Schwengle pa representa Aruba como staatsraad den conseho di estado di Reino desde 2017

Milly Schwengle.2

Dialuna ultimo, Prome Minister Evelyn Wever-Croes a reuni cu señora Mildred Schwengle. Manera ta conoci, Gobierno di Aruba na 2017 a nombra señora Mildred Schwengle como Staatsraad, den Conseho di Estado di Reino (Raad van State), pa representa Aruba. Entre otro e trabounan ta consisti di duna conseho riba tratadonan, riba relacion den Reino, riba leynan di Reino (rijkswetten), na momento cu e partidonan den Reino no por yega na otro, y tambe na momento di trata supervision financiero. 

 Señora Schwengle a expresa di ta sumamente honra, di a wordo nombra como representante di Aruba den un posicion asina importante, y cu e nombracion aki ta e honor di mas grandi den su bida profesional. Tambe, el a indica cu e ta hopi agradeci pa e bunita combersacionnan cu semper e tabata tin cu Prome Minister, y e oportunidad di a traha di cerca cu ne den un bon ambiente. Tambe e ta gradici, Gobierno di Aruba, Parlamento, tur su coleganan, y tur otro instancia, pa e sosten brinda na su persona den e ultimo añanan. 

 Prome Minister Evelyn Wever-Croes ta gradici señora Schwengle pa e bon trabou cu el a eherce durante tur su añanan den e posicion di Staatsraad, reprsentando Aruba dignamente den Conseho di Estado di Reino, y ta dese’e hopi exito den futuro.

Milly SchwengleMilly Schwengle PmMilly Schwengle Pm 1Prome Minister Evelyn Wever Croes 1

Related posts

Konseho di Kultura: anda ku archivo kolonial ta rekerí kolaborashon ekivalente

EA News Author

Black tie dinner & ball 2023

EA News Author

Recordatorio pa yega na remarke pa tarifa special di awa pa Cunukero

EA News Author

Leave a Comment

Whatsapp Message