Lider di fraccion Accion 21 Miguel Mansur ta na Hulanda pa asina tabata presente den sala di Hoogeraad riba e decision di matrimonio di mes un sexo. E decision a cay y igualdad matrimonial ta ley di inmediato na Pais Aruba ,Curaçao y St Maarten unda cu awe mes parehanan di mes un sexo por bay inscribi pa casa na censo. E veredicto tabata uno hopi positivo unda e revalida e vonnis di HOF y basicamente a valida e ordo constitucional di nos estado di derecho y no a laga nada den man di politico nan pospone e proceso.
Parlamentario Minguel Mansur ta hopi contento cu e decision unda cu awe ta un dia cu tin menos discriminacion na Pais Aruba y ta transicion den un Pais mas progresivo cu mas tolerancia pa cu e situacion y mas tolera pa tur hende. Den corte na Hoogeraad hopi hende a presenta y ta kere cu tabatin mas cu 100 hende di Aruba y Curaçao presente den sala pa sostene fundacion orguyo y campaña di Human Rights Caribenan y e otro banda tabatin algun persona so sinta.
E momento den sala tabata hopi emocionante segun Parlamentario Miguel Mansur unda cu tur hende a klap man cu tabata echt un victoria y celebracion cu pa stop e discriminacion y menosprecio unda cu awe cu tur hende a haya nan derecho dilanti nos leynan segun Parlamentario Miguel Mansur.
Esaki ta bira e final di e discusion di matrimonio di mes un sexo na Aruba y Curaçao unda cu ni land Aruba y Curaçao por haci nada mas , aunle cu un miembro di parlamento di Curaçao a trata di bin cu un cambio den e staatsregeling unda cu e proceso no por a sigui paso cualkier cambio den staatsregeling mester por keda aproba den Rijksminister Raad y e ta improbabel mirando e conseho di Raad van Advies y constitucion di Hulanda mester explicitamente señala y describi cu discriminacion abase di orientacion sexual no ta permiti. Esaki ta pone cu e discusionnan ta caba y igualdad matrimonio ta ley pa Aruba, Curaçao y St Maarten unda cu ta haci cu tur tereno ta igual. Awo un pareha di mes un sexo por casa na cualkier parti di Reino Hulandes y tin mes un derecho cu cualkier otro pareha casa.
