Pueblo a papia palabra cla dia 6 di december ultimo. E gran mayoria a vota
pa mantene e sistema di dos partido tradicional cu den pasado a keda
acusa di un cantidad di caso di corrupcion. Esaki ke men cu corrupcion lo
continua y ta aceptabel den nos pais? Ta un cuestion di mentalidad y nos
ta obedece pueblo y pesei mes Ricardo Croes, Rudy Lampe y Rene Kock
ta retira di politica. Full e directiva di ReD tambe ta retira di nan funcion. Lo
keda atende asuntonan pendiente, manera relato financiero na Conseho
Electoral, te cu e miembronan di ReD yena e funcionnan di directiva.
Un biaha mas a keda demostra cu ReD tin razon en cuanto e necesidad di
un lista combina. For di 2005 ReD a boga pa uni e partidonan no
tradicional. ReD a invita Accion 21, MAS, Raiz y LPR pa forma un lista
combina y tur a nenga y tur a keda pafo di parlamento. Si a acepta e union
e resultado lo tabata otro. E ta keda un reto pa uni forza den un lista
combina y asina logra cambia e sistema bipartidista tradicional.
Nos ta gradici tur cu a firma y a vota pa nos lista, danki pa boso curashi.
Directiva di ReD