Ayera den oranan di mainta pa atardi Aruba por a despedi di Henny Eman, e prome minister cu Aruba a haya despues di status aparte. Tabata un mainta cu yen di emocion y tristesa unda cu amigo y conociernan a presenta pero tambe e comunidad di Aruba por a despedi di Henny Eman, un homber vicionario cu a crea e Aruba cu nos ta bibando aden awe. E prome persona cu a hiba palabra e mainta aki ta su yiu muhe Simone Eman, e ta recorda su tata di e manera cu e ta conecta cu ne na momento cu nan yama otro. Na mes momento ta indica cu Henny Eman no ta un persona cu ta papia hopi y na momento cu e kier stop di papia na final e ta expresa Kusje… un palabra cu awe e yiu muhe ta despedi di su tata di e mes un manera Kusje….
