Un colaboracion entre University of South Carolina (USC) y Universidad di Aruba (UA)
Facultad di Hospitalidad y Turismo.Universidad di Aruba (UA) Facultad di Hospitalidad y Turismo ta anuncia cu lo ofrese un biaha mas e Micro-Certificate di Sport & Event Management den colaboracion cu University of South Carolina, di cual e Sports Management program ta ranked No. 1 den ful Merca. Lo brinda e oportunidad di sigui e programa di Sport and Event Management riba nivel di Master cu ta consisti di cinco (5) module na Universidad di Aruba. E personanan cu
completa e estudio aki lo ricibi un certificado y lo ta ekipa pa organisa diferente proyecto
deportivo na Aruba basa ariba ehempel nan internacional. E curso di Sport and Event
Management ta inicia dia 5 di februari 2025 proximo y lo ta parti den cinco (5) diferente
seccion finalisando na november 2025.
E meta di e micro-certificate ta pa provee un comprension mas amplio y specifico di deporte
y evento como negoshi enbez di solamente recreativo. E principionan y practica cu lo cubri
den e sesion nan lo ekipa e participantenan cu e heramiento nan necesario pa planea,
organisa, mercadea, crea fondo, y opera eventonan deportivo na Aruba. E professornan di
USC tin amplio conocimiento academico y experiencia practico cu lo duna e
participantenan un “roadmap” pa plania, implementa y evalua eventonan exitosamente. Na
final lo mester entrega un plan pa culmina e curso.
Sra. Jo-Anne Croes di Universidad di Aruba a comparti informacion di e cinco tayer nan cu
lo cubri den e programa cual ta lo siguiente:
- Sport and Event Marketing (Mercadeo di Deporte y Evento) – Dr. Stephen Shapiro –
Februari 5 & 12
- The Business of Sport (Management and Organization) / E negoshi di Deporte (Maneho)
– Dr. Andy Gillentine – Februari 19 & 26
- The Finance of Sport Event Management (Maneho di Financiamento di Deporte y
Evento) – Dr. Matt Brown – March 26 & April 2
- Introduction to Event and Venue Management (Maneho di Facilidad y Evento) – Adonis
“Sporty” Jeralds – October
- Managing Part-Time Volunteers and Employees / Maneho di voluntario nan y
empleadonan part-time – Dr. Samuel Todd – November
E obhetivonan di e programa ta pa participantenan:
* Demostra comprension di e terminologia, theoria y principionan di deporte y evento pa
asina aplica e conocimiento aki na eventonan deportivo den practica.
*Demostra un conocimiento amplio di e maneho di recursonan humano, incluso tuma un
hende na trabou, distribucion di trabou, traha un plan di trabou, maneho y evaluacion di
productividad.
*Crea plan pa coordina, implementa, y opera un evento deportivo mientras ta sigura e
seguridad di e participantenan y e publico presente.
* Identifica y diferencia e segmentonan den e mercado, tipo di patrocinadornan y nivel, uso
di tools pa colecta data y hasi estudionan, y e elementonan cu ta forma e “marketing
mix”.
* Crea strategianan di mercadeo y entretenimiento cu lo ta exitoso ora e mercado presenta e
oportunidad.
* Crea un comprondemiento con pa monitor entrada y gastonan y analisa esakinan pa
sigura e exito financiero di e eventonan deportivo.
Esnan interesa den sigui e curso aki y ricibi e micro-certificate ta keda invita pa manda un email
pa fhtms@ua.aw pa mas informacion of registra na https://bit.ly/sportevent2025. Rekesito pa por
participa ta como lo siguiente:
* Bachelor’s degree y/of experiencia di trabou riba nivel di supervisor/manager;
*Carta di motivacion;
* Carta di recomendacion.
