Ehersisio Barracuda Warrior a kuminsa na Kòrsou. Durante e ehersisio anual aki diferente Unidat di Militar di Region Karibe Hulandes ta traha huntu, pa mehorá nan abilidatnan. 165 militar ta partisipá, entre nan e Eskuadron di Marina Carib di Aruba, e Destakamentu di Marina di Sint Maarten, e Peloton di Boto di Kòrsou i di Aruba i Militarnan di Kòrsou. A Eherissio ta dura te 7 februari 2025.
E ehersisio ta konsistí di diferente parti, tal manera ehersisionan di tiramentu, operashonnan riba laman i na tera, i treinen den áreanan konstruí. Tambe e Militarnan tin ehersisio di atakenan ku ta bini inesperá. Esaki ta yuda nan pa ta mihó prepará riba diferente situashon i pa traha mihó huntu. Atrabes di ehersisionan manera “Barracuda Warrior’ e Militarnan ta keda bon prepará pa nan tareanan den Region Karibe. Ademas di esei e Militarnan ta siña téknikanan nobo i nan ta siña kon nan por laborá den sirkunstansianan difísil. Pa medio di ehersisionan intensivo i treinen, Militarnan ta i ta keda klá pa defensa di Reino. Di e forma aki Defensa ta brinda pas i siguridat den Region Karibe.
