Awe dia 1 di juli 2025 nos di Fundacion Preserva Aruba ta conmemora 162 aña di liberacion di escalvo transatlantico den Reino Hulandes. Cu e atriculo aki nos ta comparti algun informacion y e ley di abolicion na e lesado di e corant aki. Segun e cifranan di CBS 47.000 hende a wordo libera na Surnam y e islanan Hulandes Caribense riba dia 1 di juli 1863. Na Aruba 487 nombernan a keda registra den e registro di catibo como vrijgemaakte. Akibou bo por lesa e ley di abolicion di dia 8 di augustus 1862.
E shon/doño
Den e ley bo por lesa cu e shon/doño di e catibo a haya un recompensa pa cada di e catibonan cu e por a puerba cu nan ta di dje y kiko e mester a hasi pa ricibi e recompense aki. E a haya pa cada catibo 200 florin. E catibo mester a ta na bon salud, e no mester a tin straf of cu e a hui. Baby cu a nace despues di 1 di juli 1863 no ta considera di ta un esclavo pa ken e shon/doño por ricibi placa pe. E siguiente articulonan ta atende cu e parti di e ley cu ta mara na derechonan y debernan di e shon/doño: 2, 3, 4, 5, 6, 7, 8, 9, 10, 11, 12, 13, 14, en 15.
E Catibo
Tabata rekeri di e catibo cu e bin cu un fam pa su mes y su famia cu at unico den colonia. E a ricibi un muestra di su inscripcion den registro como cuidadano di e colonia. E por a keda cu e paña riba su loba y otro cos cu segun custumber colonial ta pertenece na e catibo. E no mag di cana riba caya sin nada di hasi. Solamente cu permisio y por a carga un pistol. E mester a traha cuater dia pa siman pa e doño di e cas den cua e tabata biba aden.
E siguiente articulonan ta atende cu e parti di e ley cu ta mara na derechonan y debernan di e catibo: 16, 17, 18, 19, 20, 21.
Articulo 1 y 2. E fecha di abolicion di esclavitud y e promesa di un recompensa pa e shon/ doño.
Capitulo 2
Articulo 3. Trinta dia despeus di e publicacion di e ley e shon/doño mester a entrega locual na ta yama e borderel van aangifte. Den esaki e shon/doño ta menciona e nomber di e plantacion, e nomber y luga unda e mes ta biba, y e siguiente ifnromacion di e catico: nomber, sexo, edad, ofishi, religion y su pertenencia. Tambe mester entrega e nomber di e catibonan cu tabata tin drecho riba manumission.
Articulo 6. Na Aruba e shon/doña a ricibi u recompensa di 200 florin pa cada catibo.
Articulo 7. Pa e shon/doña ricibi e recompense un catibo cu tabata malo mester wordo declara bon na salud door di tres doctor. E shon/doña no ta ricibi un recompense tampoco si e catibo a hui, si e tin straf of pa un baby naci despeus di e publication di e ley.
Articulo 8. E recompense ta inclui e pertenecia di e catibo. E catibo ta bira doño di su pertenecianan.
Articulo 9. E shon/doño ta haya inzage den e disicion di e gobernador basa riba e borderellen van aangifte.
Articulo 10. E shon/doño por bai contra e desicion di e gobernador na e gezaghebber dentro 14 dia.
Articulo 11. E shon/doño mester splica su motibonan dentro 14 dia sino e ta perde su derecho. E shon/doño cu kier splica dikon e no ta di acuerdo cu e prijs di e Gobernador pa su catibonan y cu ta biba na Aruba mester acudi na e corte na Corsou.
Articulo 12. E shon/doño ta ricibi e recompense dentro 3 luna despeus di e abolicion di esclavitud.
Articulo 14. E shon/doño ta perde su derecho riba e recompense dentro 4 aña.
Capitulo 3
Articulo 16. E catibo cu lo wordo libera ta duna su mes y su famia e mesun fam. Nan ta ricibi un muestra di inscription cu e number di inscripcion, nan fam y nomber, y e fecha di nacimento of edad.
Articulo 17. E ley civil ta aplicable riba e catibo cu a wordo libera.
Articulo 18. E catibo cu a wordo libera ta wordo considera un cuidadano di e colonia.
Capitulo 4
Articulo 19. E gobierno di Hulanda ta stimula educacion di godsdienst y scol.
Articulo 21. Si un catibo cu a wordo libera cana riba caya sin nada di hasi ta starfbaar.
Articulo 22. E shon/doño ta obliga di duna su catibo cu a wordo libera un luga pa biba pa por lo menos 3 luna despeus cu su liberacion of paga pa e por biba na un otro luga. E catibo cu a wordo libera mester traha 4 dia pa siman pa e doño di e cas.
