EAnews a publica un relato ayera bou e nomber: “Ta kita yiu di tera na cabes di KPA pa awe Koprschef actual no ta integro. Mientras tanto e articulo a wordo baha. EAnews ta reconoce cu den nos articulo anterior, e relato tocante Sr. Rafiek Dinmohamed y Sra. Solangel Lacle y mencion na integridad di Korpschef Ramon Arnhem a sali confuso y no completo.
Nos ta aclara cu:
E relato no ta completo y algun detaye no ta cuadra. E situacion ta mas complica cu loke a parce inicialmente.
No tin prueba confirma cu ta conecta Sr. Dinmohamed of Sra. Lacle cu cualke actividad ilegal.
Nos a cuestiona e integridad di Korpschef Arnhem sin base di evidencia, y nos ta retira e insinuacion nan sin fundamento.
Tur persona ta inocente te cu e contrario ta wordo proba oficialmente.
EAnews ta compronde cu e tema por a crea preocupacion, y nos ta pidi disculpa si e manera cu e noticia a wordo presenta a causa cualkier inconveniencia . “moving forward” Nos ta reafirma nos compromiso cu periodismo balansa y verifica, y lo sigui actualisa e caso segun informacion confirma.
EAnews semper ta verifica su informacion prome pero den e caso aki ta tuma e responsabilidad cu esaki no a tuma luga y pa cual como EAnews ta pidi disculpa pa e confusion y mal informacion cu esaki por a ocasional di informacionnan cu ta drenta na mesa di redaccion. Sinembargo ta reserva tur derecho di publica su confirmacion veredicto mustra otro.