Wardacosta ta duna asistencia na personanan cu boto a bolter riba laman

Ayera tardi Wardacosta a ricibi un notificacion di centrale post di polis encuanto un boto cu lo mester a bolter na altura di Santo Largo. Cu maximo urgencia un Metal Shark di Wardacosta a sali pa brinda asistencia na e hendenan. Na jegada enberdat a topa un boto cu matricula A2368 di bolter cu 4 persona ku tawata tene na e boto. Agentenan di Wardacosta a tuma e hendenan, dos hende homber y dos hende muher abordo di e Metal Shark. E personanan a declara cu nan a sali cu e boto pa bai test esaki y un ola a bolter e boto. Wardacosta a hiba e personanan y e boto na e ex pier di ‘Brisas del Mar’. E personanan a pasa den un susto pero nan a jega bek tera sano y salvo.