Tin un preocupacion creciente relaciona cu e maneho di hospital, E situacion aki a haya un caracter mas serio despues cu Inspectie Volksgezondheid a manda un carta di advertencia (“brandbrief”) pa direccion di hospital, solicitando cierto investigacionnan cu e entidad di salud kier haci. Di su banda, hospital a contesta e carta aki argumentando cu e acusacionnan ta infunda, Asina Parlaentario Dangui Oduber a indica
Pa duna claridad riba e asunto aki, a pidi e presidente di e Comision di Salud den Parlamento, señor Gino Goeloe, pa yama tanto Inspectie Volksgezondheid como direccion di hospital pa un reunion. E meta di e encuentro aki tabata pa inspectie splica e motibo di e carta y e investigacionnan necesario, mientrastanto cu hospital lo por a presenta su banda di medaya.
Sinembargo, e proceso den Parlamento no ta funcionando manera debe ser, ya cu te cu dia di awe no a yama e reunion aki. Esaki ta laga un ambiente di incertidumbre riba kico realmente ta sosodiendo den hospital, specialmente mirando cu ni inspectie ni hospital no a wordo scucha ainda.
P’esey, ta haci un apelacion encarcelamento na e presidente di comision di salud Gino Goeloe pa yama e reunion aki di urgencia, pa asina atende e topiconan delicado y urgente cu ta tocante e salud publico.