Ayera diadomingo parti mainta, miembronan di cuerpo policial mester a haci acto di presencia na Kaya Pikolo. Eynan a bin descubri 2 vehiculo procedente di joyriding. E tip anonimo a hiba e polisnan na e direccion caminda a bin haya 2 vehiculo un Kia Picanto y un Hyundai. E polisnan a activa e team encarga cu joyriding pa nan presenta na e adress ariba menciona. E Kia Picanto a wordo desmantela pa pieza y tabata full pluma.
Mientras cu e Hyundai tabata bon scondi cu ramanan di mata di coco, pa evita wowonan curioso. Team di joyriding a bay over na confisca ambos auto pendiente investigacion. Ta di spera cu e doño di e Hyundai por recupera su vehiculo den bon estado. Bon trabao di e polisnan.