Despues di a entrega ku eksito e prome karga di suministro di emergensia, Zr.Ms. Pelikaan unbiaha mas ta na kaminda pa bai Jamaica pa brinda yudansa di emergensia.
Direktamente despues di entrega di e merkansia di yudansa i e material di emergensia na Jamaica djamars 4 di november, e mes un dia e barku a sali bek direkshon di Barbados pa un karga nobo di merkansia. Djasabra ultimo pa di dos biaha e barku a keda kargá ku suministronan di yudansa i materialnan di emergensia. E barku di Marina Hulandes awe 12 di Novèmber lo yega den transkurso di dia Jamaica.
Zr.Ms. Pelikaan e biaha aki tambe a keda yena ku merkansia esensial di yudansa, tal manera vehíkulonan, tènt di emergensia i merkansianan di emergensia. E kònteinernan tambe a keda yena ku un average di 150.000 bleki di kuminda i míles di artikulonan di nesesidat básiko tal manera lampi ku ta funshoná riba energia solar, djùg I generator. Durante e promé suministro di materialnan di yudansa na Jamaica Zr.Ms. Pelikaan a hiba entre otro un instalashon di desalinisashon pa traha awa di bebe, ademas di 1.440 rashon di emergensia, 1.000 kit di refugio, 1.200 tènt di emergensia i 1.400 kama di kampamentu pa Jamaica.
Zr. Ms. Pelikaan ta ekipá ku un kran i un bodega di karga grandi. Esaki ta hasi e barku di sosten logístiko idealmente adekuá pa e tarea di alivio. Duna asistencia ta un di e tres tareanan principal di Departamento di Defensa den Region Caribe.
