VVD y JA21 ta molestia pa motibo di e palabra cu e informateur nobo Hans Wijers a bisa di nan. Lider di partido Dilan Yesilgöz y Joost Eerdmans kier sa si e por traha ainda na un manera obhetivo, awor cu el a yama Yesilgöz un “mentiroso” y a menosprecia e centro-drechi. D66 y CDA ta sigui apoyando Wijers pa cu awor.
De Telegraaf a revela diahuebs cu riba e anochi di eleccion, Wijers a haci algun comentarionan fuerte di VVD y di un posibel colaboracion centro-drechi. Segun esnan cu tabata presente, el a yama Yesilgöz un “mentiroso” y a papia cu ‘dedain’ tocante e opcion pa forma un gabinete di D66, VVD, CDA y JA21.
“Mi no a expresa mi mes bon eynan; mi no mester a uza e palabranan ey,” segun Wijers durante su prome momento cu prenda manera informador. “Mi no tin niun idea den cua contexto mi a bisa esaki. Mi no mester a haci esey. E ta un uzo di palabra no apropia y mi a tuma contacto cu Señora Yesilgöz tocante esaki.” Wijers ta bisa cu e no a papia directamente cu ne: “Pero mi ta asumi cu ora nos papia eventualmente, cu e asunto lo keda soluciona,” asina Wijers a bisa.
E declaracionan di Wijers ta pone duda den VVD y JA21 si e por sigui haci su rol manera informador sin preferencia. Lider di JA21 Eerdmans ta yama e palabra “hopi remarcabel”: “E obhetividad di henter e proceso aki ta daña; e ta pone un color riba e resultado tambe. Mi ta curioso pa sa con D66 ta kere por repara esaki.”
Yesilgöz tambe kier tende di D66 y CDA, cu lo tuma cabes den e fomacion e siman nan cu ta bini. Con nan por pone e proceso cana bon bek bou di di Wijers: “Mi lo kier sa di e partidonan involvi con nos ta bay logra, bou di e informador aki, yega na un proceso habri y positivo.”
Lider di PVV Geert Wilders ta kere cu Wijers mester kita for di e tarea: “El a bira totalmente no confiable pa e funccion di informador y a retira su mes.”
D66 y CDA ta para cu Wijers
D66 y CDA ta keda para cu Wijers, hunto cu ex-lider di CDA Sybrand Buma kende a accepta e tarea caba. Ambos di e partidonan a keda satisfecho cu e respuesta cu Wijers a duna na NRC, den cual e ta bisa cu “e no a expresa su mes bon.”
“Pa CDA esaki ta suficiente pa nos por hunto cu D66 cuminsa rapido riba un agenda di contenido pa Hulanda,” segun lider di CDA Bontenbal.