Un Condecoracion Real ta un muestra special di aprecio pa personanan cu pa basta tempo a traha na bienestar di sociedad sin ningun interes propio. Sea cu ta trata di trabou pa bario, cultura, naturalesa, grupo social of organisacion: e condecoracionnan aki ta reconoce e forsa di compromiso y servicio na otronan.
Durante e ‘Yobida di sinta’ (Lintjesregen) cu ta tuma luga tur aña, e aña aki tres habitante di Boneiro a ricibi un condecoracion pa nan aporte excepcional na comunidad:
- Maria Clarenda Clarinda – nombra como Caballero (Ridder) den Orden di Oranje-Nassau.
- Suzette Maria Bergland-Balentin – nombra como Caballero (Ridder) den Orden di Oranje-Nassau.
- Alyatte Aquilina Quirindoongo-Geertruida – nombra como Miembro (Lid) den Orden di Oranje-Nassau.
Gezaghebber John Soliano a entrega e condecoracionnan y den su discurso el a enfatisa e importancia di e disposicion pa traha pa bienestar di comunidad y e balor di solidaridad. “Awe nos no ta celebra status, puesto of interes propio. Awe nos ta celebra algo hopi mas fundamental: dedicacion na otro persona,” e Gezaghebber a declara.
Gezaghebber a subraya cu netamente den un tempo caminda hopi biaha individualismo ta para central, e dedicacion di esnan cu a wordo condecora ta mustra con importante ta pa tene otro na bista y hunto fortalece e comunidad.