Resientemente WEB a haña informashon di fuentenan ofisial di un kaso positivo di COVID-19 di un kolega ku ta traha na nos ofisina prinsipal na Playa.
E kolega no tin kontakto direkto ku kliente i e último dia ku e tabata brevemente na trabou tabata djaluna 4 di yanüari. For di djaluna 4 di yanüari WEB a tuma tur e medidanan rekomendá pa Entidat Públiko Boneiru (OLB) pa minimalisá e riesgo di kontagio mas ku ta posibel.
Sinembargo Gerensia di WEB tòg a tuma e desishon pa sera e filial i edifisio di WEB na Playa mayan djaweps 7 i djabièrnè 8 di yanüari pa kliente. Pa asina por inisiá e proseso di limpiesa adishonal ku asistensia di Departamentu di Salubridat Públiko di Entidat Públiko Boneiru si ta nesesario.
Djaluna 11 di yanüari nos ofisina na Playa lo habri bèk pa kliente, miéntras ku tur kolega ku tabatin kontakto direkto ku e kolega infektá lo risibí un tèst pa COVID -19 i lo sigui e rekomendashon di Departamentu di Salubridat Públiko di Entidat Públiko Boneiru.
