Despues di un accidente fatal cu a tuma luga diahuebs merdia riba Green Corridor. E victima a keda identifica como e hoben Jeanemarc van der Biezen, di 32 aña di edad.
Pa 12:57 di merdia, ora cu Central di Polis a ricibi un notificacion di un accidente serio riba e ruta green corredor, den e direccion for di e retonde di Pos Chiquito bayendo Oranjestad. E accidente a envolve un auto marca Hyundai de color blanco y un motorcycle high-performance marca Suzuki Hayabusa, tambe di color blanco.
Pa via cu e motociclista no tabata reacciona, e autoridadnan a despacha unidadnan di Polis y Ambulance cu maximo urgencia pa e sitio. Na yegada, e prome respondidornan a confirma e gravedad di e situacion. Apesar di e esfuersonan di e personal paramedico pa brinda e prome auxilio y asistencia medico necesario, e heridanan tabata fatal y no por a haci nada mas pa salba su bida.
Dokter Forensico a presenta y a constata fayecimento di Jeanemarc van der Biezen, naci na Aruba dia 27 di januari 1994.
Investigacion y Sosten na Famia Pa determina e causa exacto di e desgracia, specialistanan di trafico hunto conhuntamente cu personal di Polis Technico (BFTO) a cera e area pa duna inicio na e investigacion structural di e escena.
Ademas, personal di Departamento di Asistencia na Victima (Slachtofferhulp) a wordo encarga pa brinda e sosten emocional y psicologo necesario na e famia y conocirnan di e fayecido den e momentonan dificil aki.
Cuerpo Policial Aruba, den nomber di e institucion, a expresa nan mas profundo palabra di condolencia y forsa na e famia, amigonan y sernan keri di e fayecido.