Despues di un aña y mei di retonan y stress, e berdad a sali na cla. Abogado Desiree Croes a yama un conferencia di prensa na Culture Cafe na San Nicolas,acompañá pa famia y sostenedonan di Mike de Meza , pa anuncia oficialmente cu e caso contra parlamentario Mike de Meza a keda cera y cu e ta completamente ministeriabel.
Pa hopi luna, e proceso tabata uno pisa y cu stress , a bay corte varios biaha y retonan constante. Den e prome fase, Ministerio Publico a propone un transaccion cu tabata nifica un multa di 5,000 florin y cu Mike de Meza lo mester a tuma culpa riba dje. Un proposicion cu Mike de Meza y su defensa a considera totalmente inaceptabel, debi cu e tabata sa cu e no tin ningun culpa.
Un peticion a wordo entrega na corte y tabata cla pa tratamento riba 24 di augustus. Sinembargo, algo hopi inusual a pasa. Un dia prome, un invitacion a yega pa un di dos tomset (reunion), algo cu no ta pasa normalmente segun abogado Desiree Croes.
Durante e reunion nobo aki, e oficial a mustra cu e situacion tabata diferente y a duna un mensahe sumamente importante: “no mester tuma culpa”. Esaki tabata nifica cu e documento no tabatin ningun offset ni culpa riba dje.
E acuerdo final a keda firma riba un transaccion reduci na Miembronan di Husticia, unda cu Mike de Meza ta paga solamente mitar di e suma original, esta un multa di 2,500 florin.
Cu e stap aki, e capitulo dificil aki ta keda atras, y e caminda ta habri completamente liber pa Mike de Meza. Tabata un momento di alegria pa tur su campañadonan y famia cu tabata den sala.