Bureau City Inspector (BCI) ta hunga un papel crucial den e di dos edicion di e accion nacional di limpiesa “Cuida Aruba”, cu lo tuma luga riba 28 y 29 di augustus 2026. BCI conhuntamente cu crisis management Office CMO ta esunnan encarga cu e coordinacion y planificacion logistico pa sigura cu e proceso di maneho di sushi ta cana bon.
Rol di BCI den e Accion
Coordinacion y Planificacion: BCI ta yuda CMO coordina y planifica e areanan y puntonan di coleccion pa tira sushi pa garantisa un funcionamento eficiente.
Guia na Puntonan di Coleccion: Lo tin personal di BCI presente na e luganan di tira sushi pa indica y guia ciudadano unda pa deposita e diferente tipo di sushi.
Monitoreo Continuo: BCI lo tin ekiponan corendiendo rond pa sigura cu tur cos ta andando bon y pa evita cu sushi ta keda tira caminda no mester.
Reducion di Desperdicio: Cu e medidanan y e accionnan di e barionan aki, e zona di desperdicio lo habri completamente gratis.
Peticion na Comunidad
BCI ta enfatisa cu e separacion di sushi ta e parti mas esencial di e accion. Pa e motibo aki, ta pidi pueblo di Aruba pa coopera, yuda, separa e sushi corectamente y tira tur cos na su luga.
E accion lo tuma luga Diabierna 28 di augustus y Diasabra 29 di augustus: Dia pa comunidad limpia cas, bario y entorno, haciendo uzo di e puntanan di coleccion habilita pa e ocasion pa hunto nos haci nos dushi Aruba Limpi. Bureau City Inspector (BCI) tey pa guiabo y yudabo.