Den un demostracion di unidad den Parlamento, tur fraccion unanimamente a bay di acuerdo cu un carta dirigi na Gobierno di Aruba. E decision aki ta ordena e cuerpo ehecutivo pa pasa inmediatamente over na e ehecucion di e peticionnan cu e sector di touroperators a presenta.
E paso firme aki di Parlamento ta subraya e urgencia y e importancia di e preocupacionnan cu e touroperators a trece dilanti. No ta for di awo, awe ta mira e efecto cu ex minister Ursell Arends a tuma , y no ta desconoci cu ex minister Urssel Arends ta BFF di presidente di fundacion Aruba Bird Life Conservation.Cu e aprobacion unanime aki, e poder legislativo ta manda un mensahe cla y fuerte na Gobierno cu no tin espacio pa mas tardansa y cu mester duna prioridad na e solucion di e problematica nan cu ta afecta e echo di e sector turistico aki.
E touroperators, cu ta hunga un rol clave den e experiencia di e bishitantenan y den e economia local, a bin ta pidi atencion pa varios punto di mehoracion y regulacion den nan ramo. E carta aproba ta funciona como un mandato formal pa Gobierno actua sin duda y implementa e medidanan stipula pa garantisa e stabilidad y e bon funcionamento di e sector.
Señalando e respaldo total di Parlamento, e touroperators awor ta spera cu
Gobierno lo tuma e accionnan ehecutivo necesario na un manera rapido y eficiente pa cumpli cu e decision historico aki.