Oficina di Turismo di St. Maarten, Aeropuerto Internacional Princess Juliana y Office de Tourisme de Saint-Martin ta uni forsa pa exhibi e isla den un gran activacion turistico pa America Latina.
Philipsburg, St. Maarten – E secreto por fin a sal di bochi! St. Maarten a wordo revela oficialmente como e destino secreto di Caribe pa e di tres edicion di Destino Oculto, un experiencia di viahe innovativo organisa pa e aerolinea colombiano di low-cost Wingo.
Aproksimadamente 400 bishitante for di Bogotá y Medellín, Colombia, a yega na Aeropuerto Internacional Princess Juliana (SXM) riba diahuebs 22 di oktopber, marcanan e inicio di un experiencia di cuater dia emocionante den e destino cu lo dura te cu 25 di oktopber 2026.
E iniciativa aki ta posibel danki na un colaboracion estrategico entre Oficina di Turismo di St. Maarten (STB), Office de Tourisme di Saint-Martin (ODT), y Aeropuerto Internacional Princess Juliana (PJIAE), trahando huntu cu Wingo Airlines y su socio organisador Okana Group pa presenta e isla na un publico nobo di viahero di America del Sur.
Un destino ocuta, un experiencia caribense inolvidabel
Destino Oculto ta un concepto di viahe unico den cual e viaheronan ta cumpra un paquete di vakantie sin sa nan destino final te un poco prome cu nan yegada.
E experiencia aki ta combina e emocion di un viahe di sorpresa cu actividadnan cuidadosamente selecciona den e destino, permitiendo e participantenan descubri luga, cultura y experiancia nobo.
Pa su di tres edicion, Wingo a selecciona St. Maarten/Saint-Martin, un isla celebra pa su mescla extraordinario di cultura caribense hulandes y frances, playanan di fama mundial, un ambiente culinario vibrante, shopping, actividadnan di aventura y un hospitalidad caloroso.
E bishitantenan, incluyendo viaheronan, creadornan di contenido y representantenan di prensa, lo experientia e miho parti di ambos banda di e isla durante nan estadia.
Ora nan a yega na Aeropuerto Internacional Princess Juliana, e huespednan a wordo ricibi cu un recepcion caribense festivo cu entretenimento tradicional di steel pan, bon bini pa e destino, y un caluroso saludo di parti di Su Exselencia Minister di Turismo, Asunto Economico, Transporte y Telecomunicacion, Sra. Grisha Heyliger-Marten.
Fortaleciendo lasonan turistico entre Colombia y St. Maarten
E yegada di Destino Oculto 3 ta representa un hito importante den e esfuersonan continuo di St. Maarten pa fortalece su presencia den e mercado turistico di America Latina.
Colombia consistentemente a keda clasifica entre e mercadonan principal di America del Sur pa St. Maarten, demostrando e potencial pa un crecemento mayor den yegada di bishitante, asociacion den comercio di viahe y conectividad regional.
Door di introduci cientos di viahero colombiano directamente na e destino, e iniciativa aki ta brinda un oportunidad pa aumenta e conocemento di St. Maarten, stimula demanda pa viahenan den futuro, y genera un exposicion balioso a traves di medionan tradicional y digital.
E colaboracion aki ta refleha tambe un compromiso comparti entre partidonan clave di turismo y aviacion pa expande e alcansa di St. Maarten den mercadonan emergente di bishitante, mientras cu ta posiciona Aeropuerto Internacional Princess Juliana como un porta di entrada pa e parti nort-este di Caribe.
Avansando mas aya di e exposicion directo genera pa Destino Oculto 3, e iniciativa aki ta refleha tambe esfuersonan continuo pa explora un conectividad aereo mas fuerte entre St. Maarten y e mercado colombiano.
“Awe nos ta yama un caluroso bon bini na nos bishitantenan colombiano na St. Maarten a traves di e experiencia Destino Oculto di Wingo. Nan yegada ta representa un oportunidad emocionante pa exhibi nos isla na Colombia mientras nos ta traha pa expande nos alcansa den e mercado mas amplio di America Latina.
Como Gobierno, nos ta den negociacion continuo cu Wingo pa explora conectividad den futuro. Durante e proximo cuater dianan, nos tin e oportunidad di demostra kico ta haci St. Maarten special — for di nos playanan y gastronomia te cu nos cultura y hospitalidad — y inspira e bishitantenan aki pa nan bolbe y anima otronan pa descubri nos isla.
Nos meta ta pa transforma e exposicion aki den un crecemento turistico duradero, creando mas oportunidad pa nos hotelnan, restaurantnan, operadornan di tour y comerciantenan local. Nos ta gradici Wingo y tur e socionan participante pa yudanos presenta St. Maarten na un publico colombiano mas amplio,” Minister Heyliger-Marten a declara.
Durante nan estadia, e participantenan lo goza di un programa cuidadosamente coordina cu lo exhibi e diversidad di experiancia cu tin disponibel na ambos banda di e isla.
For di e itinerario oficial, e participantenan lo tin tambe oportunidad di descubri atraccionnan, experiancianan y negoshingan local adicional a traves di un guia di actividad digital cu ta contene ofertanan promocional special.
E experiancianan aki ta destaca e oferta turistico di e destino, incluyendo turismo di aventura, actividadnan maritimo, atraccionnan cultural, gastronomia, recreacion y shopping.
Un enfoque colaborativo pa promocion di e destino
E realisacion exitoso di Destino Oculto 3 ta demostra e importancia di cooperacion entre e sector publico y priva den desaroyo di iniciativanan innovativo di marketing turistico.
A traves di esfuersonan combina di Oficina di Turismo di St. Maarten, Aeropuerto Internacional Princess Juliana, y Office de Tourisme di Saint-Martin, e destino ta continua fortaleciendo su posicionamento internacional mientras ta apoya negoshingan turistico local y creando oportunidadnan pa un interaccion significante cu e bishitantenan.
Ta spera cu e iniciativa lo genera un exposicion balioso pa e destino a traves di experiancianan di e participantenan, contenido den rednan social, cobertura di prensa y promocion di boca en boca, fortaleciendo mas ainda e atractivo di St. Maarten entre e viaheronan di America Latina.
Mientras e bishitantenan ta cuminsa nan biahe di cuater dia, un mensahe ta keda na centro di e experiencia: Un Isla. Dos Nacion. Experiancianan Sin Fin.
Tocante Oficina di Turismo di St. Maarten
Oficina di Turismo di St. Maarten ta responsabel pa promociona St. Maarten como un destino caribense di prome categoria, exhibiendo su playanan, diversidad cultural, experiancianan culinario, shopping, entretenimento y ofertanan turistico na mercadonan internacional.
A traves di asociacionnan estrategico, campañanan di marketing di destino y iniciativanan comercial di viahe, e Oficina ta traha pa fortalece e yegada di bishitante, apoya e industria turistico local y mehora e visibilidad global di St. Maarten.